Работилница за сито печат

Работилница за сито печат

  • Posted on: April 13, 2015

Отворен повик за работилница за сито печат

Културниот центар „Кула“, го објавува вториот повик од серијата работилници кои ќе остварат до крајот на годината. Повикот е отворен за сите заинтересирани млади луѓе кои веќе имаат познавања или би сакале да се запознаат со техниките на сито печат.

Датум: 22-26 април

Време: 12 – 18 часот

Место: Културен центар „Кула“

Ментори: Самир Карахасан, Стефан Николовски и Ертунч Сали

Број на учесници: 20

Партиципација: /

Рок за пријавување: 19 април 2015

Опис на работилницата

Учесниците на оваа работилница ќе имаат прилика да се запознаат со техниката на сито печат, со начинот на кој таа може широко да се примени, и истовремено ќе се посветат на печатење на сопствен дизајн. Откако ќе се совладаат основните техники на сито печатење, дизајнот на кој ќе се работи ќе се аплицира на хартија и маици.

Поради потребата од индивидуално печатење, учесниците ќе бидат поделени на две групи, од кои со првата ќе се работи на 23 и 24 април, а втората ќе печати од 25 до 26 април. Ден пред да започне работлницата, на 22 април од 17 часот, задолжително е двете групи да проследат предавање за сито печат и меѓусебно да се запознаат. По завршувањето на работилницата, на 27 април ќе следува изложба на изработените дизајни.

Работилницата е подржана и финансирана од Холандската Амбасада во Скопје.

Сите заинтересирани можат да се пријават преку испраќање на пополнета апликација заедно со сопствен монохроматски дизајн на кој би сакале да работат и краток опис на делото на workshop@ku-la.org најдоцна до 19 април. Не е неопходно дизајнот да биде завршен, доволно е да ја отсликува почетната идеја на учесникот (може да се работи за цртеж, скица, илустрација итн.), меѓутоа потребно е да биде во А4 дигитален формат за да може да се аплицира на предвидените производи.

За учество во работилницата не е потребно предходно искуство во оваа област.

Бројот на учесници за работилницата е ограничен на 20 (дваесет).

Повеќе информации можете да добиете на workshop@ku-la.org или на

078 639 492 Самир Карахасан

071 245 105 Маја Стојковска